Ottave d'amore

Lam  Sol  Fa  Mi (X4)

Lam              Rem     Lam
Unni camini tu, unni scarpisi
Rem             Lam    Fa   Mi
trema la terra unni li pedi posi
Lam                Rem     Lam
nascinu sciuri di milli divisi
Rem             Lam   Mi    Lam
sciuri di baccu, garofani e rosi

Lam                    Rem        Lam
Bedda ca t'agghiu a vinniri 'mprummisi
Rem            Lam  Fa    Mi
e t'imprummisi vintisetti cosi
Lam            Rem      Lam
novi giardina, novi paradisi
Rem            Lam    Mi   La
novi canti d'aceddi unni riposi

La                      Re    La
Siti cchiù bedda vui di la ricotta
La                      Re   La
cchiù bianca di la nivi siti tutta
Re            La   Mi    Fa#m
siti comu 'na fica murgisotta
Re              La     Mi  La
veni lu ventu e vi scutola tutta
La                Re       La
Vidi ch'è mariùsa sta picciotta
La                      Re      La
jucari nun ci vogghiu e didda ammutta
Re       La     Mi         Fa#m
vaja, bidduzza, parati sta botta
Re              La         Mi      Lam
sta canzuna ppi ttia , ppi ttia fu fatta
Lam  Sol  Fa  Mi (X2)

Lam                 Rem    Lam
Curuzzu, lu me cori si sminuzza
Rem        Lam    Fa      Mi
ppi vidiri sta vostra biddizza
Lam                Rem      Lam
unni scarpisa la vostra scarpuzza
Rem           Lam     Mi    Lam
lassa petri davanti a la munnizza
Lam                 Rem    Lam
Quannu vi pittinati sta tistuzza
Rem          Lam  Fa      Mi
luci comu lu suli la to' trizza

Lam              Rem     Lam
e si vi vasu sta duci vuccuzza
Rem              Lam   Mi   La
nun sputu ca nun perdu la ducizza

La                      Re    La
Nun dormu ca riposu a ttia pinzannu
La                    Re    La
passu li notti interi senza sonnu
Re            La       Mi    Fa#m
sempri la to' biddizza cuntiplannu
Re              La     Mi     La
cussì passu lu tempu 'nzinu a gghiornu
La                  Re   La
Mi votu e mi rivotu suspirannu
La                      Re       La
mentri li nervi mia suffriri nun ponnu
Re               La     Mi     Fa#m
bedda p'amari a vui, p'amari a vui
Re              La     Mi         Lam
bedda p'amari a vui mi sentu l'affannu
Lam  Sol  Fa  Mi (X4)